Noticias
Visita a Escola de Canteria

Representantes da Federación de Construción e Servizos de Castela e León coñecen a Escola de Cantería


06 decembro 2017

Un grupo de representantes da Federación de Construción e Servizos de Castela e León coñeceron as instalacións da Escola de Cantería da Deputación de Pontevedra, onde recibiron, de primeira man, información sobre os traballos que os alumnos e alumnas desenvolven ao longo do ano así como sobre as experiencias de colaboración que a Escola de Cantería está a realizar en diferentes países do mundo.

As persoas da Federación de Construción e Servizos de Castela e León que visitaron a Escola de Cantería están a realizar un traballo que ten por título "Nuevas tendencias constructivas y análisis industrial de los materiales cerámicos y pétreos en Castilla y León". No marco deste estudo teñen por obxectivo afondar nas accións e centros de estudos que están a traballar no sector da construción e da pedra, así como coñecer as necesidades formativas do mesmo.

Aberto o prazo de solicitude de axudas destinadas ao alumnado da Escola de Cantería para o curso 2017/2018

As alumnas e alumnos da Escola de Cantería teñen de prazo ata o vindeiro 14 de decembro, para solicitar bolsas de axudas que a Deputación de Pontevedra pon á súa disposición. En liñas xerais, estas bolsas distribúense en tres tipoloxías que abranguen desde unha bolsa básica, de 950 euros, un complemento segundo a renda, de 372 euros, e outro segundo a residencia da ou do estudante, de 250 euros.

Para optar ás axudas os e as solicitantes deben ter máis de 16 anos e estar matriculados no curso académico 2017/18 tanto nos estudos presenciais da titulación de Canteiro ou Canteira como de  Mestre Canteiro ou Mestra Canteira, na Escola de Cantería da institución provincial.


Outras novas

Cine

13 decembro 2017, facultade, ciencias sociais, ciencias sociales, facultad
Xurado Otero Pedraio

12 decembro 2017, premios, muller, otero pedraio
Presentación do calendario solidario "Sorrisos que contaxian"

12 decembro 2017, calendario, solidario, deleción 1p36