Noticias
Xunta de Goberno

O goberno de Carmela Silva destina preto de 200.000 euros a Ponteareas para a mellora da rede viaria municipal

Con estas achegas a Deputación de Pontevedra aprobou xa o 74,4 % do orzamento que lle corresponde á vila ao abeiro do Plan Concellos 2017


16 xullo 2017

A Xunta de Goberno da Deputación de Pontevedra acaba de aprobar a concesión de axudas por valor de case 200.000 euros para o Concello de Ponteareas. En concreto, con esta achega, o goberno local poderá realizar actuacións de melloras e mantemento na pavimentación da rede viaria municipal.

Este novo investimento na vila súmase aos xa aprobados ata o momento e que supoñen o
74,4 % do orzamento que lle corresponde a Ponteareas ao abeiro do Plan Concellos 2017. Así, Ponteareas recibiu xa preto de 900.000 euros a través dos cales está a poñer en marcha proxectos como a ampliación da rede de auga potable en Queidores (Bugarín), a pavimentación da rúa de Canedo, a mellora e mantemento da rede viaria municipal, a memoria descritiva e valorada da adaptación de espazo no auditorio para locais de reunión, reposición de saneamento na avenida de Galicia, así como para afrontar gasto corrente novo, poñer en marcha a I Edición da Feira do libro, sinalizar e repintar rúas do casco urbano e reparar o rego no campo de fútbol de Pardellas. Ademais, e tamén ao abeiro do Plan Concellos 2017, Ponteareas está a contratar a 34 persoas para desenvolver tarefas que garantan os servizos básicos municipais.

O Goberno de Carmela Silva, con estas achegas aprobadas para Ponteareas, leva xa distribuídos máis de 29,3 millóns de euros entre os concellos da provincia, é dicir, o 71 % do Plan Concellos.


Novas relacionadas

Plan Concellos 2017

31 agosto 2017, carmela silva, plan concellos, ponteareas, plan concellos 2017, deputacion de pontevedra, o condado

Outras novas

Roteiro Cangas

21 setembro 2017, cangas, xose leal, roteiros literarios
TEK-FEST 2017

20 setembro 2017, museo de pontevedra, música, universidade de vigo, deputación de pontevedra, folclore, concello de pontevedra, tek-fest
Viveiro de empresas

20 setembro 2017, lalín, carmela silva, rafael cuiña, deza, viveiro, deputación de pontevedra, concello de lalín
Workshop AECLab

20 setembro 2017, madrid, uxío benítez, deputación de pontevedra, aeclab, workshop, asociación española de la carretera