Noticias
Aprobación de Depo en marcha

O Goberno de Carmela Silva aproba o expediente para a contratación da execución do programa "Depo en marcha"

En 2016 participaron no programa preto de 4.000 persoas maiores, xubiladas e pensionistas da provincia de Pontevedra


19 marzo 2017

A Xunta de Goberno da Deputación de Pontevedra acaba de aprobar o expediente para a contratación, mediante procedemento aberto, da xestión, desenvolvemento e execución do programa "Depo en marcha", ao que este ano a institución provincial destina 120.000 €. A presidenta da Deputación, Carmela Silva, recordou que o ano pasado participaron no programa preto de 4.000 persoas maiores, xubiladas e pensionistas da provincia de Pontevedra.

Carmela Silva tamén recordou que este programa ten como finalidade favorecer o envellecemento activo das persoas da provincia, a través de oito bloques temáticos de obradoiros, para contribuír a optimizar as oportunidades de saúde, participación e seguridade da terceira idade. Tamén busca establecer relacións sociais e favorecer a participación en actividades que melloren o estado anímico destas persoas, potenciar movementos de participación e de cooperación social, promover espazos de encontro e intercambio de experiencias, e favorecer a súa independencia para evitar o illamento e as situacións de soidade.

En total, a Deputación de Pontevedra oferta 100 obradoiros dirixidos a entidades de persoas maiores, xubiladas e pensionistas da provincia de Pontevedra. Estes estrutúranse en oito áreas temáticas: "Traballando coas mans" (arte foral, cestería, elaboración de xabóns, iniciación ao encaixe de palillos, restauración de mobles e tapicería, traballos manuais), "Entre fogóns" (cociña galega, conservas artesanais, licores caseiros, panadería e repostería, tapiñas e petiscos), "Aprendendo da natureza" (plantas medicinais), "Móvete" (pilates, ioga, ximnasia de mantemento, zumba), "Activando corpo e mente" (conservación da memoria, musicoterapia, risoterapia, control e manexo da ansiedade e do estrés), "Enredando" (xogos tradicionais, teatro), "Dálle marcha" (bailes de salón, pandeireta e canto popular) e "En rede" (internet, correo electrónico e manexo do móbil, informática-iniciación, informática-avanzado).

As empresas interesadas en optar á execución e posta en marcha do programa "Depo en marcha 2017" terán un prazo de 15 días, a partir do día seguinte ao da publicación do anuncio no Boletín Oficial da Provincia de Pontevedra.


Novas relacionadas

depo en marcha

16 xullo 2017, carmela silva, depo en marcha, maiores, xunta de goberno, deputacion de pontevedra, activando corpo e mente, dalle marcha, depo en marcha 2017, en rede, enredando, entre fogons, movete, traballando coas mans

23 xuñ 2016, obradoiros, talleres, obradoiro, taller, 2016, cohesión social, depo en marcha

Outras novas

Roteiro Cangas

21 setembro 2017, cangas, xose leal, roteiros literarios
TEK-FEST 2017

20 setembro 2017, museo de pontevedra, música, universidade de vigo, deputación de pontevedra, folclore, concello de pontevedra, tek-fest
Viveiro de empresas

20 setembro 2017, lalín, carmela silva, rafael cuiña, deza, viveiro, deputación de pontevedra, concello de lalín
Workshop AECLab

20 setembro 2017, madrid, uxío benítez, deputación de pontevedra, aeclab, workshop, asociación española de la carretera