Noticias
Ribadumia destino turístico

Ribadumia destino turístico


27 maio 2017

O Concello de Ribadumia informa que a labor de promoción e difusión do noso municipio como enclave turístico e de referencia polo seu valor patrimonial e arquitectónico, está dando uns resultados moi positivos.

Deste xeito, o noso municipio está a ser punto de destino principal para moitos turístas que veñen a pasar as súas vacacións e días de lecer ó Salnés. Estes datos vense  avalados polo aumento do número de axencias de viaxe que contactan con este municipio para informarse e confirmar a súa visita a Ribadumia. Como exemplo, no mes de xuño só en dúas excursións organizadas, unha dela procedente de Estremadura, chegarán o municipio máis de 200 persoas.

Tamén cabe destacar a relevancia que nos últimos meses Ribadumia adquiriu como destino elixido polos colexios da provincia para dar a coñecer as novas xeracións os traballos tradicionais e con arraigo. Froito disto preto de 300 estudantes de diferentes cursos e idades visitaron e visitarán o noso municipio entre maio e xuño.

Ribadumia pon así en valor os seus recursos arquitectónicos, paisaxísticos e etnográficos.

Todos estes datos, veñen a avalar a labor que se está a facer de promoción turística, cun aumento continuado de visitantes que reflicte directamente na economía do Concello de Ribadumia.


Outras novas

Rutas etnoarqueolóxicas do Ano do Patrimonio

23 agosto 2017, cultura, oia, ano do patrimonio, etnoexperiencias
premios provinciais xuventude

23 agosto 2017, pontevedra, deputación de pontevedra, premios provinciais á xuventude, premios xuventude, último trimestre
DELE

22 agosto 2017, xuventude, cohesión social, cursos, deputación de pontevedra, dele, cursos español, cursos intensivos de español
En ruta coa depo

22 agosto 2017, andainas, caminata, excursiones, excursións