Noticias
Ribadumia

O Concello de Ribadumia adquire unha retroescavadora minipala

O Concello de Ribadumia informa que no día de hoxe recibiu a retroescavadora minipala adquirida o abeiro do Plan Concellos da Deputación de Pontevedra, e que supón unha inversión de preto de 30000,00 € para asegurar un servizo constante e mellorar así o mantemento do municipio ademais de axilizar a realización de pequenas obras.


13 xullo 2017
Ribadumia

Esta inversión ven a ampliar o parque de maquinaria do Concello de Ribadumia, algo que é preciso para optimizar os traballos e os tempos.

A adquisición desta retroescavadora minipala, que ademais conta cun cucharón varredora, con sistema de rego, cepillos laterais e faldóns de goma, así como un kit de tubaria, distribuidor e soporte varredora, supón un avance importante no inmobilizado deste concello, posto que nos fai menos dependentes doutros organismos e mellorar a capacidade de resposta ante os veciños.

Estes materiais xunto a características máis técnicas como tamaño ou potencia, fan que sexa unha máquina versátil, con multitude de accións, que facilitará o traballo os empregados do concello e diminuirá custos de arrendamento de maquinaria ou demora de tempos excesivos.

Parte fundamental desta adquisición financiada co Plan Concellos da Deputación de Pontevedra, e xustamente esa opción, a de poder ter o 100% de disposición dunha máquina versátil e funcional, que permita responder de forma áxil e rápida a calquera emerxencia ou calquera necesidade detectada dende o propio concello ou que os veciños nos fagan chegar.


Outras novas