Noticias
Ponte Caldelas

O Concello restaura a fonte de Portela

Os operarios municipais limparon completamente a estrutura para desatascala e corrixir as filtracións


06 xuño 2017

A fonte de Portela, na entrada de Ponte Caldelas pola avenida de Pontevedra, quedou restaurada despois de que os operarios municipais acometeran a súa limpeza, retiraran os obxectos que a atascaban e procederan a un encintado completo da contorna para  evitar as filtracións e perdas de auga.

Os resultados da actuación foron comprobados polo alcalde, Andrés Díaz, quen acompañado dun veciño da avenida de Pontevedra, observou a necesidade de realizar actuacións adicionais para evitar definitivamente as filtracións. A fonte quedou así, despois de varios anos en mal estado, perfectamente acondicionada.

O surtidor é moi utilizado polos veciños, pois trátase dun subministro adicional de auga co que contan nesta zona. Tamén é parada habitual para os ciclistas que transitan pola zona.

Trátase dunha estrutura de certa complexidade pois é a saída natural dunha mina de auga, pero tamén recolle as augas pluviais que baixan das fincas superiores, e mesmo, da beiravía da estrada autonómica. Por elo está dotada dun depósito de pedra, que foi necesario desmontar completamente, pois estaba atoado con restos vexetais e tamén con entullos.

A fonte conta cun aliviadoiro para drenar as augas pluviais deste singular depósito cara a unha canle que está conectada á rede de pluviais municipal. Dispón tamén dunha billa para a auga limpa, que tamén foi necesario reparar.

Todo elo quedou agora en perfecto estado de funcionamento grazas a unhas obras comprometidas polo Goberno local tripartito (PSdeG-PSOE, AVP e BNG) cos veciños desta zona.


Outras novas

Rutas etnoarqueolóxicas do Ano do Patrimonio

23 agosto 2017, cultura, oia, ano do patrimonio, etnoexperiencias
premios provinciais xuventude

23 agosto 2017, pontevedra, deputación de pontevedra, premios provinciais á xuventude, premios xuventude, último trimestre
DELE

22 agosto 2017, xuventude, cohesión social, cursos, deputación de pontevedra, dele, cursos español, cursos intensivos de español
En ruta coa depo

22 agosto 2017, andainas, caminata, excursiones, excursións