Noticias
Xunta de Goberno

O goberno de Carmela Silva pecha nos primeiros catro meses do ano o 100% das axudas previstas para a liña3 de emprego do Plan Concellos 2017

A dotación desta liña, destinada á contratación de máis dun millar de traballadores, ascende a máis de 9 millóns de euros da que se benefician 59 concellos de toda a provincia

A Xunta de Goberno da Deputación de Pontevedra vén de aprobar a última relación de subvencións ao abeiro da liña 3 de emprego do Plan Concellos 2017, a número 14, cunha axuda de 20.554,91 € que permitirá a contratación de 7 persoas para garantir e prestar os servizos básicos municipais no Concello de Dozón. Con esta adxudicación o plan provincial acada a concesión do 100 % das subvencións previstas dentro la liña 3 para  este ano 2017, que ascendía a 9.270.000.

A presidenta da Deputación de Pontevedra, Carmela Silva, quixo destacar a importancia que teñen estas axudas, que "neste 2017 fixeron posible a contratación de máis de 1.120 persoas en 59 concellos" e apuntou a "rapidez coa que os concellos solicitaron estas subvencións, antes dos primeiros catros meses do ano, é proba das necesidades que veñen a suplir estas axudas".  O peso da liña 3 do Plan Concellos 2017 representa un 22,5% do total das axudas previstas dentro deste programa.

Entre outras e outros profesionais a liña 3 do Plan Concellos 2017 permitiu a contratación de encargadas/os de albergues municipais, socorristas, ordenanzas, conserxes, vixiantes, persoas condutoras e tractoristas, operarias/os limpeza e recollida do lixo, de servizos múltiples, de xardíns e parques, de mantemento, operarias/os para karting, para instalacións deportivas, para bibliotecas, para enterrar e dar sepultura, peóns de  obra, de cantería, soldadores/as, mecánica, carpintería, albanelería, forestais, fontanería, pintura, electricidade, agricultura, emerxencias, técnicas/ou superiores en turismo, auxiliares de turismo e guías turísticos, monitores socioculturais, de tempo libre e deportivos así como persoal técnico en actividades físicas e deportivas, auxiliares de axuda no fogar, técnicas/os para servizos sociais, educadoras/es sociais e persoas diplomadas ou graduadas en enfermaría, administrativas/os e auxiliares administrativas/os, axudantes de arquivo e técnicas/os de biblioteca, técnica/o en Dirección e Xestión Pública, arquitecta/o, axentes de control ambiental e técnicas/os de Medio Ambiente, técnicas/os informáticas/os, técnicas/os de comercio.


21 abril 2017

Novas relacionadas

Xunta de Goberno

18 abril 2017, cambados, a estrada, cuntis, plan concellos, gondomar, ponteareas, crecente, nigran, cerdedo 13 cotobade
Plan Concellos 2017

13 abril 2017, moaña, plan concellos, plan concellos 2017, 2017
Economía

03 marzo 2017, contratación, plan concellos, 2017, catro, municipios

Outras novas

Ocupación

28 abril 2017, turismo, ponte, puente, ocupación, maio, mayo
Xunta de Goberno

28 abril 2017, silleda, fútbol, picei, campo herba sintetica
Tonucci

27 abril 2017, mobilidade, movilidad, francesco tonucci, tonucci, provincia tonucci, frato