Noticias
O alcalde Miguel Fernández Lores e César Mosquera, concelleiro de Infraestruturas e vicepresidente provincial

O composteiro do campus saca a súa primeira produción en tres meses

O alcalde Miguel Fernández Lores e César Mosquera, concelleiro de Infraestruturas e vicepresidente provincial, subliñan na Xunqueira a rapidez e a calidade do produto


20 abril 2017

O composteiro comunitario do campus universitario é excelente: no tempo de produción, non chega aos tres meses, e na calidade do seu produto. Ata A Xunqueira foron o alcalde de Pontevedra, Miguel Fernández Lores acompañado polo concelleiro de Infraestruturas e vicepresidente da Deputación de Pontevedra, César Mosquera, coincidindo coa Semana da Creatividade que pon en marcha o Campus Crea da Universidade de Vigo en Pontevedra e a primeira achega do composteiro.

Hai un traballo "moi grande" detrás deste éxito das e dos aportadores dos restos e do mestre composteiro, lembrou o alcalde, quen subliñou que "o importante é que estas experiencias piloto están a darnos unha base de aprendizaxe para ir avanzando e estendendo a compostaxe". Neste composteiro recolléronse 5 toneladas de biorresiduos nos tres meses que leva funcionando, serán 20 ao cabo do ano, unha capacidade suficiente para atender as necesidades xeradas polas cafeterías-restaurantes universitarias.

As e os técnicos aseguran que o compost xerado no campus da Xunqueira é de moi boa calidade, sen materiais pesados, e cun índice de nitróxeno biolóxico que ten chegado ao 7 % (para facer un compost de calidade agárdanse índices do 2 %). Están a estudar os motivos destes niveis tan elevados de nitróxeno, que falan da súa calidade, pero atribúen os bos resultados xerais á boa separación en orixe.

O éxito das experiencias piloto de compostaxe de Pontevedra pódese estender a toda a provincia. Segundo o vicepresidente da Deputación de Pontevedra e concelleiro de Infraestruturas "non houbo nunca un programa deste tipo no que se integrasen concellos de toda cor e que as queixas ou a oposición previa fora tan baixa". "Penso", engadiu, "que é un programa que nun tempo récord acadou moitísimos obxectivos: non hai ningún campus que trate todos os biorresiduos, xa hai composteiros en 30 concellos da provincia…"

Mentres, o Concello traballa na adquisición de composteiros individuais e colectivos que se distribuirán polas parroquias e os barrios da cidade.


Novas relacionadas

Colexio Florida

30 marzo 2017, sanxenxo, compostaje, compostaxe, compostador, plan revitaliza, a florida

13 mar 2016, compostaje, compostaxe, compostadores, composteiro, compostador
Reunión para a selección de proxectos de compostaxe comunitaria

05 nov 2015, concellos, compostaxe, centro de compostaxe, césar mosquera, vicepresidente

Outras novas

Meu Pontevedra

28 xuño 2017, museo de pontevedra, exposición, originales, orixinais, álbum nós
Reunión en Salceda

28 xuño 2017, carretera, estrada, cruce, carretera provincial, estrada provincial, obras de mejora, obras de mellora
Pintado de calzadas

28 xuño 2017, carreteras, estradas, pintado, señalización horizontal, sinalización horizontal