Noticias
Taquillas

O 22 de xullo celebrarase o I Campus de Fútbol Americano no Concello de Tui

Organizado polo club Vigo Guardians nas instalacións deportivas "Álvarez Durán" de Tui


05 xullo 2017

O sábado, 22 de xullo, as instalacións deportivas Álvarez Durán de Tui, acollerán o I Campus de Fútbol Americano e Fútbol Flag, impartido polos responsables do Club Vigo Guardians, en colaboración co Concello de Tui. O obxectivo é brindar unha xornada gratuíta de iniciación e coñecemento deste deporte.

O campus realizarase en horario de 10.00 a 13.00 horas e de 16.00 ata as 19.00 horas. Vai dirixido a xogadores dos dous sexos xa que o club dispón de sección feminina (actuais campioas galegas de Flag Football) e masculina, en idades a partir dos 14 anos, sen límite de idade.

Nesta xornada daranse as nocións básicas deste deporte e realizaranse exercicios dos adestramentos diarios, para, unha vez adquiridos os conceptos, participar nun partido na modalidade Flag (sen contacto). Os participantes poderán probar a sensación de xogar coa equipación propia desta modalidade deportiva, dado que se levarán cascos e corazas do equipo.

Pódese acadar máis información ou facer a inscrición na web www.vigoguardians.com, no facebook vigoguardians ou no número 649 676 566.


Outras novas

Administración electrónica

21 agosto 2017, administración electrónica, implantación
conectadas 2017

20 agosto 2017, pontevedra, mondariz, a estrada, igualdade, vigo, conectadas, conectadas 2017, muller cultura, muller emprende
Plan Concellos 2017

20 agosto 2017, cangas, plan concellos 2017, espacios de juego, espacios de xogo, zonas de ocio
Plan Concellos 2017

20 agosto 2017, cambados, plan concellos 2017, humanización