Noticias
www.elcaminoconcorreos.com

Correos presenta en Tui a súa web sobre o Camiño de Santiago


31 maio 2017

Correos presentou esta mañá en Tui a súa web www.elcaminoconcorreos.com na que se recolle información detallada de cada unha das etapas que conforman o Camiño Portugués a Santiago dende Tui ata Compostela. Amais do trazado de cada etapa, tamén oferta información sobre albergues e outros aloxamentos así coma dos teléfonos de interese. Nesta web Correos informa dos servizos que presta ao peregrino coma transporte de mochilas en cada etapa, de bicicletas ata o lugar de partida ou dende a Santiago ata o lugar de orixe, entre outros.

A presentación correu a cargo do alcalde de Tui, Enrique Cabaleiro, do director de zona de Correos, Ángel Pérez, e do xefe de reparto da oficina de Tui, Francisco López.

O alcalde de Tui, Enrique Cabaleiro, felicitou a Correos por esta iniciativa, que contribúe tamén á promoción do Camiño Portugués. Destacou,  nunha nova ocasión, a importancia que o Camiño Portugués ten en e para Tui salientando que é "un dos elementos que nos singulariza".

O director de zona de Correos, Ángel Pérez, que este mesmo domingo comezará en Tui o Camiño Portugués a Santiago, explicou que a web non vai so dirixida aos peregrinos senón tamén a todos aqueles establecementos que ofertan servizos aos peregrinos. Trátase de facer máis cómodo o camiño ao peregrino e ao tempo de ofrecer un valor engadido. O xefe de reparto de Tui Francisco López, lembrou que na Oficina de Correos contan cun mataselos especial da Catedral para selar a credencial do peregrino, e constatou que cada vez se rexistra maior demanda no transporte de mochilas por etapas, que de Tui a Santiago ten un prezo de 24€.

A web www.elcaminoconcorreos.com recolle tamén en cada etapa o consello dos carteiros locais. No caso de Tui Mª José Uris recomenda aos peregrinos a visita ao Parque Natural do Monte Aloia. 


Outras novas

Administración electrónica

21 agosto 2017, administración electrónica, implantación
conectadas 2017

20 agosto 2017, pontevedra, mondariz, a estrada, igualdade, vigo, conectadas, conectadas 2017, muller cultura, muller emprende
Plan Concellos 2017

20 agosto 2017, cangas, plan concellos 2017, espacios de juego, espacios de xogo, zonas de ocio
Plan Concellos 2017

20 agosto 2017, cambados, plan concellos 2017, humanización