Noticias
Festival de Bandas

A Banda de Música Popular de Tui e a Banda de Música Xuvenil de Xinzo actuarán no XXVI Festival de Bandas

O sábado, 5 de agosto, a praza de San Fernando será o escenario deste clásico das citas musicais na cidade


03 agosto 2017

Un ano máis terá lugar en Tui o Festival de Bandas, que chega á súa XXVI edición. Será este sábado, 5 de agosto, na praza de San Fernando, ás 22h. Esta cita musical é un dos clásicos da programación de verán do Concello de Tui e contará nesta ocasión coa actuación da Banda de Música Popular de Tui e, como convidada, a Banda de Música Xuvenil de Xinzo.

A Banda de Música Popular de Tui foi fundada no ano 1881 e continuou sen interrupcións ata a súa desaparición no 1936, a causa da Guerra Civil Española. A súa primeira reaparición data do ano 1942, aínda que permaneceu pouco tempo en activo por falta de medios económicos. No ano 1967 foi a súa volta definitiva e xa a partir do 1980 foise consolidando a banda actual e a creación da Escola de Música. Na súa andaina ten participado en diversos certames, ademais de facer actuacións nacionais tanto en Galicia coma no resto de España e internacionais en Portugal e Arxentina. Na actualidade está dirixida por Adolfo Besada Alvárez.

O programa que ofrecerán este sábado será o seguinte:

  • Pasodobre A Mi Madre de Roque Baños.
  • Fantasía Militar El Sitio De Zaragoza de C. Oudrid.
  • Movemento para dúas trompetas e Banda ROLIPOPS de J.F. Michel.
  • Obertura Appalachian Overture de James Barnes.
  • Fiesta de las Trompetas de Roy Anderson.

A Banda de Música Xuvenil de Xinzo comezou a súa nova etapa no ano 1979 da man do mestre José Guillén Lorenz. Son varios os directores que teñen traballado para esta agrupación, que foi acadando pouco a pouco o nivel co que conta na actualidade. Teñen logrado premios en diversos certames e publicado distintos discos, entre eles unha colaboración coa Fundación Reveriano Soutullo, pola que recibiron no ano 2014 o Premio Concello de Ponteareas á súa contribución no eido cultural. Entre 2015 e 2016 a Banda Musical de Xinzo iniciou un proceso de actualización da súa imaxe e organización para continuar co seu crecemento de forma sólida. Na actualidade o seu director é Roberto Sánchez Barreiro.

O programa que van ofrecer este sábado en Tui é o seguinte:

  • Machaco, J.R. Pascual Vilaplana.
  • Ireland : Of Legend and Lore, Robert W. Smith.
  • Os Sons da Atlántida, A.A. Montes Abalde.
  • Caribbean Concerto, Kees Vlak
  1. 1- St. Eustatius.
  2. 2- Saba.
  3. 3- St. Maarten.
  • Noites de Lúa na praia, E.Campos arr: J.L. Represas.
  • Solista: Silvia Fernandes Táboas.

En caso de choiva o festival celebrarase no Teatro Municipal, debendo nese caso retirar un máximo de dúas entradas por persoas, de xeito gratuíto, dende ás 21.30h.


Outras novas

Administración electrónica

21 agosto 2017, administración electrónica, implantación
conectadas 2017

20 agosto 2017, pontevedra, mondariz, a estrada, igualdade, vigo, conectadas, conectadas 2017, muller cultura, muller emprende
Plan Concellos 2017

20 agosto 2017, cangas, plan concellos 2017, espacios de juego, espacios de xogo, zonas de ocio
Plan Concellos 2017

20 agosto 2017, cambados, plan concellos 2017, humanización