Noticias
Ponte Caldelas

O Concello de Ponte Caldelas leva gratuitamente á rapazada ao Aquapark de Cerceda

A iniciativa, organizada en colaboración coas ANPA dos tres centros educativos, xa se desenvolveu o ano pasado cun enorme éxito


31 maio 2017

O alumnado de Ponte Caldelas encherá o próximo día 27 de xuño o parque acuático de Cerceda (A Coruña). O Concello puxo en marcha esta iniciativa o ano pasado e, diante do éxito colleitado, repite experiencia, desta volta xa coa colaboración das ANPA dos tres centros educativos do municipio.

As ANPA dos colexios de A Reigosa e Manuel Cordo Boullosa e do instituto de Ensino Secundario coordinan os preparativos. Xa puxeron as solicitudes a disposición de todas as persoas interesadas na Conserxería dos centros. Deben entregarse antes do próximo día 20 de xuño, no caso dos colexios, e antes do 16 de xuño no caso do instituto. O Concello advirte de que os rapaces deberán ir acompañados dun adulto.

O Concello asume os gastos do transporte e a entrada ao recinto do Aquapark, polo que, no caso do instituto, que acolle a rapaces de varios municipios da bisbarra, a actividade está limitada aos empadroados en Ponte Caldelas. Os municipios da bisbarra declinaron a oferta caldelán para participar neste programa.

O pasado ano, un total de 400 rapaces participaron nesta excursión dun día a Cerceda, o que supuxo a contratación de sete autobuses.


Outras novas

Administración electrónica

21 agosto 2017, administración electrónica, implantación
conectadas 2017

20 agosto 2017, pontevedra, mondariz, a estrada, igualdade, vigo, conectadas, conectadas 2017, muller cultura, muller emprende
Plan Concellos 2017

20 agosto 2017, cangas, plan concellos 2017, espacios de juego, espacios de xogo, zonas de ocio
Plan Concellos 2017

20 agosto 2017, cambados, plan concellos 2017, humanización