O presidente da Deputación de Pontevedra, Luis López, felicitou a toda a comunidade que forma o CD Estradense na gala anual que organiza este club que o vindeiro ano chegará ao seu primeiro centenario. O mandatario provincial puxo en valor a homenaxe que se lles rendeu ás mulleres que colaboran con esta entidade deportiva e celebrou o compromiso compartido polo club e a Deputación para potenciar o fútbol feminino como motor da igualdade entre homes e mulleres. Do mesmo xeito, López deulle os parabéns ao primeiro equipo do Estradense pola campaña que están a realizar e ter case asegurada a permanencia en Terceira Federación.

Neste sentido, o mandatario provincial remarcou a aposta da Deputación pola promoción do deporte a través do apoio ás e aos deportistas e aos clubs que traballan en categorías de base; da mellora das instalacións co Plan extraordinario de infraestruturas deportivas; da organización de eventos deportivos de grande interese, coma o encontro decisivo para a clasificación para o mundial de balonmán que disputarán as seleccións absolutas masculinas de España e Serbia en Lalín; ou da recuperación de competicións coma a Copa Deputación para apoiar as economías dos clubs de fútbol